Hanggang Sa Muli

Note: Hanggang Sa Muli is a poem written in reply to @pantastekmiggy's Isang Katulad Mo.

Isang Katulad Mo Hanggang Sa Muli

Hindi mo alam kung gaano kita kamahal

Lahat ng gagawin ko ay para sa'yo lamang

Ngunit bakit iniwan mo ako aking mahal

Pagmamahal bang inalay ko ay kulang?

Hindi kailanman pinagduduhan ang iyong pagmamahal

Alam kong kaya mong ibigay lahat ng aking kailangan

huwag mong isiping pag-ibig mo ay kulang

Sadyang panahon lang nati'y di pinagbigyan.

Sa tuwing titingin sa kalangitan

Laging naaalala ang nakaraan

Nawala ka man sa aking buhay

Puso't isipan ikaw lang lagi ang laman

Huwag mo nang pahirapan pa ang iyong damdamin

Huwag mo nang panoorin ang mga tala't bituin

Huwag mo nang igapos ang puso mo sa akin

Pangarap na habang buhay ay hindi para sa atin.

Hindi madaling bitawan ka

Dahil tanging ikaw ang lakas at sigla

Subalit ako'y walang magagawa

Kung ang puso mo'y may mahal ng iba

Bitaw na mahal, bitaw na hanggang maaga

Bitawan ako at huwag ng lilingon pa

Masakit sa akin ang isipin mong may mahal akong iba

Idinahilan lang ito para mas madaling pakawalan ka.

Kahit na ikaw ay mawala sa piling lko

Sa Diyos oh anong pasasalamat ko

Dahil minsan sa paglalakbay kong ito

Nakakilala ako ng isang katulad mo.

Mahal natin ang isa't isa pero hindi ito sapat

Pasasalamat nalang para sa pagsasara ng ating aklat

Sana'y sa pangalawang buhay tayo'y magkaharap

Baka doon na matupad lahat ng ating pinangarap.

@pantastekmiggy

@qveenisabel06