Langit Sa Aking Mundo

Note: This poem is written during one of ALDUB ENTOURAGE's activities. The said group is founded mainly to defend ALDUB against bashers. Anyone who likes to join can give a prompt where in their chosen entourage member will try to compose a poem using the said theme.

Prompt: You Are My Heaven on Earth

Requested by: @iamcarre

Langit Sa Aking Mundo

Sa tuwing masaya ako

Karamay ko ang mga tawa mo,

Sa mga panahong napupuno ng kalungkutan ang puso ko

Nauuna pang tumutulo ang mga luha sa mga mata mo.

Sa mga oras na pabitaw na ang hawak ko

Nakahanda na ang braso mo pansalo

Sa mga madaming pagkakataong nagagalit ako sa'yo

Hindi ko mabilang kung ilang paghingi ng tawad ang nasasambit mo

kasabay ng paghalik mo sa aking noo.

Sa mga iilang beses na natuto kitang talikuran

Hindi ka pumapalyang habulin ako at hagkan,

Nakapikit na parang takot kang ika'y aking iwanan

Kasabay ng pagsasabing "Mahal, hayaan mong ika'y aking sabayan sa iyong pupuntahan".

Sa mga araw na nagtatampo ako sa buhay ko

Nandoon ka, pinapahiram mo ang sa'yo,

Sa mga oras na di ko mahal ang sarili ko

Sinusubukan mong hanapin ang bawat piraso.

Kaya naman sa bawat tagumpay na naaabot ko

Sigaw ko ang ngalan at ang pag - ibig ko sayo,

Umamin ka mahal, paano mo natatago 'yang mga pakpak mo

Paano ka nagsisilbing langit ko dito sa mundo.