Paglalarawan

Apoy

Umaasa ako na may munti pang apoy na natitira

Na baka sa puso mo ako ay nandoon at iyo pang makapa,

Huwag mong hipan

Huwag mong sindi niya ay tuluyang humina

Baka naman kasi pwede pang lumiwanag

ang ngayong malabo na.

Bisikleta

Dapat muna ba tayong huminto

Mag-isip kung saan patutungo

Hanggang sa lugar ba na walang pangalan?

Hanggang kailan?

Hanggang kailan mo kaya ako masasabayan?

Ipipikit ko muna ba ang mga mata

Ang makasama ka ay bigay ba talaga ng tadhana?

O pansamantalang pag-ibig ka lang

Tulad ng bisiketang nasisira din sa kalaunan?

Halika, subukan muna nating huminto

Sa lalim ng burol kung saan nagtagpo ang ating mga puso

Hahalik ang liwanag sa dilim, mabibighani tayo ng palihim

Makikiusap sa tadhana na sana ganito lagi sa iyong piling.

Halika, subukan nating dalawa

Ikaw at ako sa tabi ng isa't isa

Ang paglubog ng araw, panoorin natin ng sabay

Habang braso ko sa iyo'y nakaakbay

at hawak ko pa ang isa mong kamay.

Ulan

Ako'y ulan, hayaan mong ikaw ay aking samahan

Sa dako pa roon kung saan walang nakakaalam

Ihehele kita sa bawat tunog ng patak

At iduduyan sa agos na kay lakas.

Sa bawat pagpatak ng ulan

Sa bawat halik ng tubig sa karimlan

Naroon ako naghihitay sa iyong pagdating

Nagbabakasakaling ikaw at ako'y

magtatagpo pa rin.