Siya Pa Rin

Siya Pa Rin

Matagal ng puso ko ikaw ang laman

Mula ng tayo ay bata pa hanggang maging matalik na magkaibigan,

Kasamang tumawa, umiyak, gumawa ng mga kalokohan

Hindi ko lang makaya na pati ang pagmamahal sa iba ay aking masasaksihan.

Walang araw na hindi ako lumuha habang nakikita ko kayong masaya

Walang pinalampas na sandali ang sakit tuwing yakap mo siya,

Lagi nalang akong nasa sulok ngumigiting mag -isa

Iniisip kung gaano ako katanga tuwing sinasabi ko sayo na "bagay kayong dalawa".

Kaya naman isang araw ako ay nagtaka

Di alam kung ano ang aking madarama,

Iniwan ka nya at sinabing hindi na babalik pa

Hinayaan kitang sa tabi ko habang nakikita ko kung gaano mo iyakan ang pagkawala nya.

Ilang araw at buwan pa ang nagdaan

Akala ko hanggang doon nalang,

Kaya't anong saya ng umaming saki'y may nararamdaman

Mahal mo ako higit pa sa isang matalik na kaibigan.

Kaya naman nagdesisyong paghihirap mo'y huwag ng magtagal

Sinabing magkita tayo sa ating sikretong tagpuan,

Doon ko ibibigay ang matamis kong 'Oo sayo

Upang ang dating pangarap ko'y maging ng totoo

Ilang oras akong sayo'y naghintay

Nagtaka ng ang pilit na ngiti mo'y biglang sumilay,

Dahan dahan ang paglapit mo sa akin

Kamot ang ulo, kinakabahan ang mga tingin.

Ibubuka na sana ang bibig sasabihing mahal kita

Ngunit inunahan mo ako ng balitang bumalik na sya,

Kaya pala natagalan, kayo muna ay nagkita

Nagdesisyong dugtungan ang meron sa inyong dalawa.

At ngayon saki'y nagpapaalam ka

Di mo kayang ituloy kung anong naumpisahan na,

Nagkamali ka pala sa iyong inakala

Na kaya mo ako akong mahalin kapalit nya.

Isang tango nalang ang aking naisagot

Di ko kasi makapa ang sakit, lungkot o poot,

Mabagal na pagtalikod mo palayo kasabay ng "paalam" na bulong

Habang tanaw ko syang naghihintay sa iyo sa ibaba ng burol.