The Girl Who Can't Be Moved

Note: This poem was inspired literally by the song "The Man Who Can't Be Moved" by The Script.

The Girl Who Can't Be Moved

Minahal kita sa paraang hindi dapat Sa mga panahong kahit pagmamahal ko sa sarili ay hindi ko na mahanap, Mahal kita sa paraang ako lang ang masasaktan At alam kong alam mong sakit ay hindi mo kayang bawasan.

Ngunit anong aking magagawa sa iyong paglisan Kung desisyon mong ako'y iwanan sa hindi malamang dahilan, Gusto man kasi kitang pigilan Kung buo naman ang desisyon mong mabuhay ng hindi ako kailangan.

Papakinggan ang boses sa huling tawag mo Uulit ulitin basahin ang sulat na iniwan sa higaan ko, Magbabalik tanaw sa panahong atin pa ang mundo Upang malaman ko kung saan ba nagkulang o sumobra ang bigay ko.

Pero sana kung handa ka ng ako'y balikan, sabihin mo lang Kung akma na ang ating panahon, ibulong mo lang, Kung kaya mo na akong ipaglaban, tumanaw ka lang Naroon pa rin naman ako sa lugar kung saan mo ako iniwan.