Dilemma Ng Pag-Amin

Dilemma Ng Pag-Amin

Sa pagdilat ng aking mata

Sa pagsalubong ng bagong umaga,

Ikaw agad ang aking naaalala

At nais agad sabihing,

“Mahal ko, gising na!”

Sa maghapon na lilipas

At sa pag-uusap na di nagwawakas,

Kahit sandaling walang awat

Bakit di pa rin kayang ipagtapat?

Sa bwat pabirong salita

Na mahal mo ako at mahal kita,

Kailan mo kaya sasabihing totoo na

Nakakapagod din kasi ang umasa.

Sa mga mensaheng aking nababasa

Hangad ko’y sa puso mo talaga nagmula,

Takot kasi akong baka ikaw lang ay nadadala

Di mo na maihiwalay ang totoo sa hindi na.

Ang hirap palang magtago ng nadarama

Totoo na kasi sa akin ang lahat ng aking pinapakita,

Dinadaan ko na nga lang sa mahinang tawa

Kapag sinusubukan kong magparamdam

At ang tanging sagot mo ay malutong na ‘hahaha’.

Pakisabi naman sa akin kung hihinto na ba

Sarili ko’t tinatanong kaya lang may pagkamakulit siya,

Pinipilit kong sabihing tama na, suko na

Pero paaano titigil kung dikta ng puso ko’y mahal na kita.

@qveenisabel06 || @iam_blawesome