Patawad, Hanggang Sa Muli

Patawad, Hanggang Sa Muli

Hindi ko ginustong sabihin sa iyo ang totoo

Ayaw kong masaktan ka at makitang lumuluha ang mga mata mo,

Ayaw kong maging sanhi ng kalungkutan mo

Ang panoorin kang naghihintay lumamig ang hawak ko sa kamay mo.

Ang paglihim ng lahat ay hindi naging madali

Inaasam na makita ang mga ngiti mo kahit sa huling sandali,

Pinipigilan kong huwag sabihin sayo na 'mahal ang sakit'

Gusto ko pa kasing makita ang bukas nating dalawa kahit pilit.

Sa mukha ko ay hindi maitago ang pait

Katumbas nito ay ang pag saksak sa puso ko ng paulit ulit,

Ilang oras pa ba ang ibibigay sa atin, sa akin?

Ilang araw pa ba ang pwedeng ipahiram sa pagmamahalan natin?

Isa, dalawa, tatlong minuto

Hanggang kailan kakayanin ng puso ko?

Apat, lima o anim na buwan

Paano kita ihahanda sa aking paglisan?

Sa ilalim ng unan mo may huling liham ko

Nakasulat dito lahat ng gustong sabihin sa iyo,

Mahal, patawad, hindi ko na magawang magpaalam sa'yo

Patawad, hindi ko na magawang pahiran ang mga luha mo

Patawad, hindi ko kinayang labanan ang sakit ko

Patawad, hanggang dito nalang talaga ako...

Hanggang dito nalang tayo...

@qveenisabel06 || @pantastekmiggy