Romantiko Vs Pilosopo

Sandaling sandali na lang Pagbigyan mo na ako bago mo ko tuluyang talikuran, Magdadagdagdag lang ng mga alaala Susulitin lang huling tiklada ng oras nating dalawa.

Hihingi ka na naman ng ilang sandali

Pakibilisan mo lang ako'y nagmamadali

At anong ala-ala ang idadagdag mo

Hindi pa ba sapat ang mga nagawa ko?

Maaari bang titigan ako sa mga mata Sabihin sa 'king ako'y mahal pa? Di naman siguro kalabisan di ba? Tutal lilisanin mo na naman akong talaga?

Ang lakas ng loob mong sabihing titigan kita

Gayong ang mata mo ay may mga muta pa,

At ang tulong laway ay nakahagbas pa

Pwede bang maghilamos ka muna?

Maaari mo ba akong hagkan? Iparamdam mong minahal mo ako kahit minsan, Munting hiling ko'y iyong pagbigyan Hayaang ito ang maging baon ko sa iyong paglisan.

Paano kita hahagkan sa ganyang hitsura

Buhok na di nasuklay, mukha kang bruha,

Ang hininga mo bakit amoy ay kakaiba

Ano ba kasi ang ulam nyo ng kamakalawa?

Maari mo ba akong yakapin? Tipong sakit ay ililipad nalang ng hangin, Nahihirapan lang kasi akong isipin Na bukas ay hindi ka na tuluyang akin.

At paano kita magagawang yakapin?

Kung nanlilimahid ka't mukhang gusgusin,

Pwede ka bang maligo muna

Ang damit na suot mo parang kahapon pa.

Patawarin ang pagiging dugyot

Sarili kasi'y nakalimutan na dahil sa matinding kirot,

Wag munang mandiri at mangilabot