Boomerang Love
- Isabel
- Feb 22, 2017
- 1 min read
Note: This poem is written as one of the seven entries I submitted to Team Maso Bebe's when they were looking for new members to join their group.
Prompt: Unrequited Love
Boomerang Love
Akala ko masakit na ang umasa
Akala ko masakit na ang isiping baka pwede pa,
Na sa konting sulyap mo nabibigyan ako ng halaga
Na sa tipid mong mga tawa baka sakaling maging akin ka.
Pero kailan nga ba mas masakit sa'yo ang umasa?
Kailan ba mas nagiging mapait ang aking nadarama?
Kapag ba ako ay nagsimula ng magduda at mawalan na ng pag-asa
O kapag nagdesisiyon na ang puso kong tama na at isuko ka na?
Darating ang araw na kailangan ko ng tapusin ang aking kahibingan
Lalo't alam kong wala naman itong patutunguhan,
Kailangan ko na sigurong huminto at magsimula ulit
Nalaman ko kasing hindi masaya ang pag-ibig na pinipilit.
Kaya't pakiusap wag kang lilingon pag tinawag kita
Huwag mong hayaang manatili ako habang di mo maibalik ang salitang 'mahal kita',
Titigil na ako kung wala na talaga
Dahil para akong tanga na humihila sa pinto na dapat ay itinutulak pala.
