Huling Sayaw

Note: This poem is written as one of the seven entries I submitted to Team Maso Bebe's when they were looking for new members to join their group.

Prompt: The One That Got Away

Huling Sayaw

Mahal mo ako at mahal din kita

Pinagtagpo tayo para sa isa't isa,

Iniisip kong ikaw na talaga ang bigay ng tadhana

At ang makapiling ko hanggang sa pagtanda.

Masakit lang isipin na hanggang ala-ala na lang pala

Ang mga masasayang araw noon na kasama kita,

Naglaho ka nalang kasing parang bula

Pati pag-ibig mo hindi ko na makita.

Masakit ang magmahal

Ang maghintay ng matagal,

Mapait ang umiibig

Sa isang taong hindi na kayang bumalik.

Tama na, masakit na ang hawakan ka pa

Tama na, pagod ko ay sobra sobra na,

Minsan para sumaya

Kailangan tanggapin ang mga bagay na nawala na.

Sa huling pagkakataon ako ay bibitaw

Hihinto na sa pagmamahal sa'yo at aayaw,

May mga bagay kasi na kahit naiintindihan ko ang dahilan

Hindi ko pa rin maiwasan paulit ulit na masaktan.