Ang Pagkikita

Prompt: Love At First Sight

Group: ADN Tinta

Team: Good Vibes Lunes

Activity: For Valentine's Day

Ang Pagkikita

Naniniwala ako na may isang taong nakatadhana para sa iyo

Iyong taong makakadaupang palad at hahayan mong makapasok sa buhay mo

At kung papalaring naging mabait ka, baka iyong tadhana balikan ka

At ang taong sa'yo ay ipinakilala ang maging habang buhay mo ng maging kasama.

Oo, noon, naniniwala ako na kapag nakita ko na siya, liliwanag na lang bigla

May mahuhulog na mga bituin at sabay kaming ngingiti at mapapatingala

Naniwala ang musmos kong puso na sa aming pagtatagpo, mapupuno ito ng mga mahika

At ng kung ano-anong mga damdamin na hindi kayang ipaliwanag ng sensya.

Naniwala ako na may mga makukulay na paro-parong magliliparan

Kasabay ng pagsabog ng mababangong bulaklak sa kapaligiran

Baka nga may mga mahihinang boses pang mag aawitan

Na tila tuwang tuwa na sa wakas nagkita na ang aming kapalaran.

Kaya naman matiyaga akong naghintay sa aking makisig na prinsipe

Nakikinita kong nakasakay ito sa isang puting kabayo kasunod ng isang karwahe

Nangarap ako at nagdasal… patuloy akong umasa

Alam kasi ng musmos kong puso na darating din siya.. darating ka.

At sa wakas, dumating ang tamang panahon

Pero mali pala ako sa mga paniniwala ko noon

Na hindi ko na kailangan ng magiting na prinsipe sa ngayon

Dahil noong nakita na kita, sapat ng kahit simpleng kawal ka lang sa isang batalyon.

Mali ako sa lahat ng inakala kong pagdating mo noon

Magarbo parang yung mga nakikinita ko sa pelikula’t telebisyon

Ngunit sa lahat ng yun, isa lang ang tumama sa aking mga ispekulasyon

Na mapupuno ng mahika at ang puso ko’y mapapatigil at mapapatalon.

Kaya naman kahit isang daan pa ang mga nagkamaling sapantaha ko sa iyo

Ang mahalaga hindi mo pinabayaang umasa nalang ang puso ko

Hindi mo hinayaang patuloy akong mangarap sa isang pangarap ko

Na pinapangarap rin yata ng bawat kababaihan dito sa mundo.