Magic Temple

Prompt: Movies

Group: ADN Tinta

Team: Good Vibes Lunes

Magic Temple

Hindi ko na halos matandaan

Kung kailan at kung saan ko unang nasilayan

Ang pelikulang nagbigay ngiti sa aking kamusmusan

At nag-iwan ng aral sa aking munting isipan.

Marahil, iilan na lang ang sa kanya'y nakakaalam

Mabibilang lamang kaming sa kanya'y patuloy paring nagagandahan

Hindi man kasi lahat sikat ang mga gumanap na karakter sa laban

Hindi naman matatawaran ang istoryang sadyang kaabang-abang.

Buto kalansay, tabi tabi po sa bangkay

Lulubog lilitaw sa saradong hukay,

Sino bang hindi natuwa? Sino bang hindi napakanta?

Habang hinahanap ni Sambag ang mga buto ng kanyang prinsesa?

Sinong hindi makakaalala sa magaling na si Jubal

Ang lider na nakatalo sa kalabang si Ravenal,

Si Omar, si Sifu, si Telang Bayawak

Lahat sila napahanga tayo at napapalakpak.