Mr. Kupido

Mr. Kupido

Dearest Mr. Kupido,

Tulad nila, makikisulat na rin ako

May isang tao kasi sana akong ipapapana sa'yo

Alam kong madalas ay sablay ka

At naduduling sa paningin ng iba

Pero baka sakali lang may tsansa

Na matuhog mo ang puso naming dalawa.

Psst. Lihim lang nating dalawa ito

Na ako'y hihingi ng isang palaso mo.

Makikiusap na sa pagkakataong ito

Ang landas naming dalawa'y pagtagpuin mo

At ng si tadhana'y magawang tumino

At hindi laging ginugulo ang buhay pag ibig ko.

Mr. Kupido, ako nama'y tulungan mo

Dahil sa oras na nabulabog mo ang puso ng mahal ko

At nagawa mo ang munting hiling ko

Nakakasigurado ka, Mr.Kupido

Ipagtatanggol kita sa lahat ng mga sa iyo'y nagrereklamo

At araw araw kitang pasasalamatan sa regalong bigay mo.

Umaaasa sa iyo,

Fan ni Kupido

---