Nekstaym

Prompt: Move On

Group: ADN Tinta

Team: Pumapag-ibig Wednesday

Nekstaym

Sinabi ko noon sa sarili ko

Pag ako nagmahal,

Kasama na doon ang ako’y masaktan.

Sinubukan kong paghandaan…

Maniwala ka, sinubukan ko

Pero sino nga ba ako?

Sino nga ba tayo ?

Para hindi makaramdam ng sakit na dulot nito?

Marahil nga nagkulang ako

O maaaring nasakal siya sa sobrang bigay ng puso ko

Ganun nga yatang pinanganak ang mga tao

Nasasaktan pero patuloy siyang lumalaban sa malabo.

Kaya naman kahit gaano pa kahapdi

At kahit gaano ko kagustong pumili

Ng taong mamahalin ko uli

Maghihintay ako

Maghihintay ako…

Pagkat alam kong sa tamang panahon

Ang tadhana sa aki’y muling ngingiti.

---