Mahal, Malaya Ka Na
"Mahal, Malaya Ka Na"
Ang sakit palang makita na masaya ka na
Habang ako nandito hinihintay kang makasama
Iyong dating matamis naging matabang
Yung dating mainit naging malamig
Ang sakit pala doon sa nasanay ako sa kung anong meron
At hindi ko na kayang burahin yung kahapon
Ang sakit malaman na napag iwanan na ako ng panahon
Yung ikaw may bago ng buhay habang ako
hinahanap pa ang kahulugan ng salitang move on
Yung dating nasa tabi ko lang, di ko na matagpuan
Yung dating yakap ng bisig ko naging hangin na lang
Ang sakit nga pala talaga
Yung dating akin, pwedeng pag aari na ng iba
Ang sakit isipin na kahit anong gawin ko ay wala ng halaga para sayo
Na sa bawat tawag, sulat, text, pm at dm ko
Hindi ka na sasagot dahil hindi ka na interesado
Ang sakit pala yung dating tayo hinahanap hanap ko pa
Yung dating tayo na kahit kailan hindi ko na kayang ibalik pa
Ang sakit lang na kung kailan alam kong kaya na kitang ipaglaban
Doon ka nawalan ng dahilan, doon mo ako sinukuan
Kung kailan kaya na kitang ipagdamot at gawing akin
Doon ka nakahanap ng bago mong mamahalin
Kung kailan kaya ko ng mabuhay sa salitang mahal na din kita
Pinatay mo naman ako sa pagitan ng salitang minahal kita
at ng napagod ka na
Hindi ko alam kung papaano
Kung hanggang saan ang kaya ko
Mahal, lahat kasi ng sakit sinusubukan ko nang ibaon
Kasabay ng masasayang alala-ala ng ating kahapon
Hahayaan na kitang magmahal ng iba
Hahayaan na kitang sumaya sa piling niya
Hahayaan na kita
Hahayaan kita
Mahal paalam na,
Malaya ka na
MIGUEL & ISABEL
@pantastekmiggy | @qveenisabel06
