Ritmo

Prompt: Haplos

Group: ADN Tinta

Activity: Harot Thursday

Ritmo

Sa ilalim ng gabi na may kadiliman

Naroon yung mga ilaw

Nagkikislapan

Nagsasayawan

Nanghahalina na minsan pa kitang sulyapan

Maiingay~

Mahaharot~

Ganyan yung musikang paulit ulit

Kasabay ng mga iilang hagikgik

Na patuloy akong inaakit na sa iyo ay lumapit

Nagsimula yung tugtugan

Mga katawan ay nagkakabanggaan

Sinubukan kitang lapitan

Gusto ko kasing titigan ka ng malapitan

Gusto kong mayakap ka sa haplos ng yugyugan

Hindi na ako nag-atubili

Ng makita ko ang ngiti mo sa mga labi

At lumitaw na ang biloy mo sa pisngi

Dahan dahan kitang sinabayan

Unti unti kong hinanap yung indak ng ating katawan.

Doon~

Doon ko nalaman na sa lahat ng haplos na aking alam

Yung binibigay ko sayo ang hindi ko malimutan

Yung haplos habang tayo ay nalunod sa kawalan

At parehong nasiyahan pagkatapos ng sandaling kabaliwan.

---