Gravi-Teh
Prompt: Nahulog
Group: ADN Tinta
Activity: Collab Saturday
Gravi-Teh
Noong niyaya mo akong magbakasyon
Hindi ako nagdalawang isip sa aking desisyon
Agad akong sumama upang makasama kita
Upang malaman mong ako’y nahuhulog na
Upang malaman mong mahal na kita
At nasasabik ako sa oras ng ‘tayong dalawa’.
Hindi ko alam kung papaano
Kung anong pwersa ang bumalot sa uniberso
Ang tanging alam ko
Nagmamahal ako ng isang estranghero
At kasama ko siya ngayon sa tabi ko.
Kaya kahit may atubili akong nasisilip sa mga mata mo
Naglakas loob akong ipadama sa’yo
Kung paaanong pinupuyat mo ang mga gabi ko
Kung paanong pinaingay mo ang tahimik kong mundo
At binigyan ng kulay ang buhay kong dating kulay abo.
Hindi ko napigilan, magkabilang pisngi mo’y aking hinawakan
Tinitigan kita at sabay labi’y hinalikan
Marahan~
Matagal~
Oras ay naging sobrang bagal
Hanggang pagyayaya mo na lang ang aking naulinigan
Habang yakag mo ako sa isang liblib na daan
Wala akong nagawa kundi mapangiti
Nakikinita ko na kasi kung saan tayo mauuwi.
